店主多年愛用收藏級眼部精華🐼💛
#likepost抽獎活動進行中( ˘ ³˘)♥
❣️網站可以係 「商品類別 ➡️護膚品➡️眼部精華」揾到🥰
詳文 慎入😳除非你黑眼圈同銀子一樣都係咁嚴重
就一定要睇一睇
呢隻韓國Ciracle眼部精華真係陪左我好多年😂
由我中學嗰陣時已經開始用
咁我就唔詳細透露幾多年啦😂😂😂
但我想講係真係真係好鍾意佢
首先講一講我喺黑眼圈界嘅故事
希望大家唔好嫌我長氣😂😂😂
我係一個熊貓家族人士🐼
我好細個就已經有黑眼圈
而我爸爸嗰邊全部親戚都係黑眼圈好嚴重
細個跟阿媽去買餸
啲姨姨成日都講話:「嘩阿妹你黑眼圈咁深咁大個既」
之後我阿媽同個姨姨就喺度Billy吧啦咁討論我嘅黑眼圈🥺😑
係呀冇錯 你估我唔想解決咩
所以我阿媽好細個就會陪我
一齊搵有啲咩可以拯救我黑眼圈既
係唔高風險嘅情況下 都會嘗試
無意中俾我地搵到佢✨
一用就即刻愛上 長期回購🥰
咁就要講下
佢對我來講 有啲咩作用
點解我會咁鍾意佢🥰
首先佢修復眼部細紋係非常好
我都慶幸我有個咁緊張我黑眼圈既媽媽
除咗黑眼圈之外
我仲有個比較嚴重嘅眼袋
而且我細個非常之鍾意捽眼 壞小孩
所以係會令到眼既細紋加劇
我本身係比較深嘅雙眼皮 因為捽眼
令到我有3，4條眼皮
睇落去隻眼就會細咗勁多
我覺得佢嘅效果非常之快
有陣時我都會好懶
即係唔係話日日勤力搽 都會懶好多日
啲眼皮又開始浮返出黎
之後我再搽返 即時已經感受到個種效果
即刻緊致左 眼皮嘅情況都三四眼皮 變返雙眼皮
可能因為好早就有用眼部精華
所以我係冇咩其他魚尾紋嗰啲
呢點係我慶幸嘅
其實我間斷都有用其他眼霜/精華
我自己覺得冇咩眼霜精華可以取代到佢
(不過真係個人感覺）
至於黑眼圈方面 我覺得係有比唔搽好既
係會淺色左 不過講緊係你要個排勤力搽
唔係話搽一至兩次就已經會有效果
真係唔係仙丹😂😂
但以我多年用眼霜眼部精華既經驗
目前用佢個感覺係最好
比較功能性萬能 性價比高
另外都有其他眼部精華
我係當其他功能～
遲啲再出post介紹下我鍾意邊一種
其實所有眼霜都係
你起碼keep住要用一個月先見到明顯效果
講左咁耐講下佢既成份先
佢含有大量嘅維生素C , B5 ,膠原蛋白
可以滋潤調理眼部好脆弱嘅組織
支撐細胞復生
係28日更生週期 產生理療性功能
集中阻止舒緩皮膚彈性組織既惡化
簡單講即係可以幫你眼部皮膚保持返彈性✅
佢嘅質地真係好輕盈既 唔黏笠✅
我出名真係好怕癡立立
利用甘油，角蛋白，蓖麻油
都係可以滋潤美白既元素
瞓覺前搽
瞓醒覺你就會發現眼部皮膚就冇咁暗沉✅
而且係針對防止黑眼圈嘅形成✅
另外紫草、銀杏植物提取
可以抗氧換膚同時可以收緊浮腫嘅眼袋✅
增強血液循環✅
我建議大家日夜各搽一次
朝頭早好趕時間 唔緊要
夜晚臨瞓前一定要搽！
盡量都唔好懶～
使用方法
♥︎ 將精華搽落去手指心/或者直接滴落下眼部
♥︎ 我嘅方法就係輕輕打圈3次 等佢吸收一部份
❤︎再用手指或者用手嘅關節去按壓 眼部穴位
按摩至吸收 有陣時我會搽兩次
視乎返你嘅情況
上YouTube search 眼部按摩 應該都會搵到
眼霜唔係仙丹 真係要長期keep住用先會有個效果
唔係話你搽完一次好返/改善左 就以後都唔使再搽
我地遇到咁多紫外光強光藍光 其實已經係好想傷害我哋皮膚
Keep住去護膚其實係一種保養 盡量減低改善平時嘅傷害
所以成日講話眼霜/精華冇效既 係可能你係冇keep住使用佢
咁當然有啲係真係冇效既😂😅所以咪就係要自己嘗試☺️💛
靚女們💗希望大家都可以勤力啲護膚
我地一齊加油變得更靚🐼✨💛
以上是本店主既用後感 只作參考~
亦奉勸行家請勿抄襲( ͡° ͜ʖ ͡°)
一字一句都係本店主既親身體驗同心血 謝謝♡´･ᴗ･`♡
